sexta-feira, 12 de setembro de 2008

Sereas sen cadeas en Aguiño.

(Imaxe: Serea mergullada no mar con peixiños e unha estrela vermella no cabelo. Ilustración de Miguel A. Prado).

...E de novo chega Setembro. Tódolos anos as sereas de Galiza son convidadas a un mar para aprender dos nenos e das nenas do seu país. Só dos nenos e nenas, porque aínda son libres no seu pensamento, porque aínda non teñen cadeas nos seus debuxos. Este curso a invitación é no mar de Aguiño. As sereas de Sálvora son as anfitrionas. Son sereas que nos observan a través das ventás pintadas da aula, que escoitan as nosas risas e berros impredecibles no patio,...e elas collen apuntamentos na area. Non son as sereas engaioladas dos contos. Elas son felices no mar, cas súas colas teñidas ó seu antollo...elas non soñan con atopar un príncipe azul, nen amarelo, nen verde...elas xogan cas estrelas ceibes e vermellas do mar galego.

Plantilla original blogspot modificada por plantillas blog